Xristianları özündən çıxaran açılış mərasiminə Trampdan sərt reaksiya

Fransada keçirilən “Paris-2024” Olimpiya Oyunlarının açılış mərasimi yekunlaşsa da, reaksiyalar hələ də gəlməyə davam edir. ABŞ prezidentliyinə namizəd Donald Tramp mərasimi biabırçılıq adlandırıb.

Ölkə mediasına müsahibəsi zamanı o “Mən çox açıq fikirliyəm, lakin onların etdiklərinin biabırçılıq olduğunu düşünürəm. Bu sözün əsl mənasında biabırçı bir görüntü idi” ifadələrini işlədib. Prezidentliyə namizəd yenidən seçiləcəyi təqdirdə ölkəsində buna bənzər bir hadisənin baş tutmayacağını deyib.

Nəzərinizə çatdıraq ki, bütün bunlar Olimpiya Oyunlarının açılış mərasimində Leonardo da Vinçinin “Sonuncu şam yeməyi” əsərinin qeyri-adi təsviri ilə bağlıdır. İsa Məsih və onun 12 həvarisinin portretini xatırladan əsər çılpaq müğənni tərəfindən təqdim olunub ki, bu da xristian dünyasında ciddi tənqidlərə məruz qalıb.