Pleyeri seçin:
Yeni Zelendiyada axtarış-xilasetmə işlərinə helikopterlər cəlb olunub
Yeni Zelandiyada aramsız yağan yağışlar torpaq sürüşmələrinə səbəb olub.
Şimal Adasının şərq sahilində baş verən torpaq sürüşməsi nəticəsində uşaqlar da daxil olmaqla, bir neçə nəfər itkin düşüb. Axtarış-xilasetmə işlərinə polis itləri və helikopterlər cəlb olunub.
Bütün şərq sahilini bürüyən şiddətli yağış nəticəsində evləri su basıb, yollar bağlanıb. Leysan yağışlar genişmiqyaslı fəsadlara səbəb olub, ən azı 7 min ev təsərrüfatı elektrik enerjisi və rabitəsiz qalıb.
Milli elektrik şəbəkəsi operatoru "Powerco"dan bildirilib ki, bəzi ərazilərdə təmir-bərpa işlərinə yalnız yağışlar və daşqınlar səngidikdən sonra başlamaq mümkün olacaq.
Şimal Adasının şimal-şərq və mərkəzi bölgələrində güclü yağışlar, şiddətli küləklər, daşqınlar və torpaq sürüşmələri ilə əlaqədar fövqəladə vəziyyət elan edilib. İki yaşayış məntəqəsinin sakinləri üçün təxliyə qərarı verilib.
Kopyalandı
Seçilmişlər
