Yevgeni Priqojin : Müdafiə naziri Prezidenti və xalqı aldatmaq istəyir

“Vaqner” muzdlu hərbi təşkilatının rəhbəri Yevgeni Priqojin 9 il əvvəl Ukraynanın Donbas vilayətinin Rusiya tərəfindən talandığını deyib.

Onun sözlərinə görə, 2014-cü ildə Ukraynada çevriliş baş verərkən ölkədəki ruslar Donbasa getdiyi zaman rəsmi Moskva vilayəti qorudu, ancaq əməliyyatı sonacan apara bilmədi. Çünki Rusiya Ordusu buna hazır deyildi.

Y.Priqojin həmçinin Rusiyanın Ukraynada hərbi əməliyyatları niyə başlatdığını da açıqlayıb. Onun sözlərinə görə, 2014-2022-ci illər ərzində Ukrayna və Rusiya hərbçiləri arasında mütəmadi atışmalar olub:

“Ona görə də fevralın 24-də qeyri-adi hal baş vermədi. Hazırda Müdafiə Nazirliyi Prezidenti və xalqı aldatmaq istəyir. Guya ki, Ukrayna NATO ilə birgə Rusiyaya hücum edəcəkdi”.

Y.Priqojin bildirib ki, Rusiya müdafiə naziri Sergey Şoyqu Rusiya Ordusunu yararsız vəziyyətə salıb. Onun sözlərinə görə, müharibənin ilk günlərində minlərlə rusiyalı hərbçinin ölümünə səbəb müdafiə nazirinin apardığı yanlış və qeyri-peşakar döyüş taktikasıdır.