Pleyeri seçin:
Yuxusuna inanıb qazdığı quyu qəbrinə çevrilən 71 yaşlı kişi
Braziliyada tragikomik hadisə baş verib.
Belə ki, ölkənin 71 yaşlı sakini yuxusunda evinin altında külli miqdarda qızıl olduğunu görüb. Bundan təsirlənərək dərinliyi təxminən 40 metrə çatan quyu qazıb.
Qonşularının sözlərinə görə, yaşlı kişi 1 ildən artıqdır ki, evində qazma işləri aparırdı. Diametri 90 sm-ə çatan çuxurun qazılması üçün ev sahibi hətta əlavə işçilər də cəlb edib. Lakin sonda tarazlığını saxlaya bilməyən adam öz qazdığı quyuya düşərək həyatını itirib. Dərinlik çox olduğundan onun həyatını xilas etmək mümkün olmayıb.
Hadisə yerinə dərhal aidiyyəti qurumlar cəlb edilib.
Sakinlər kişiyə bir neçə dəfə quyunun yarada biləcəyi təhlükələrlə bağlı xəbərdarlıq etdiklərini, lakin onun heç nəyə əhəmiyyət verməyərək qazmağa davam etdiyini bildiriblər.
Kopyalandı
