Zaxarovadan İrəvana sərt xəbərdarlıq | Onlarla məxfi danışıqlar aparırıq

Rusiya Xarici İşlər Nazirliyinin sözçüsü Mariya Zaxarova Ermənistana anti-Rusiya hərəkətlərinə görə xəbərdarlıq edib.

“Təəssüf ki, biz bu tendensiyanı çoxdan müşahidə edirik və bu haqda danışırıq. Biz erməni həmkarlarımız və tərəfdaşlarımızla, o cümlədən çox məxfi şəkildə, yalnız bir məqsədlə danışırıq – xəbərdarlıq etmək", – deyə M.Zaxarova vurğulayıb.

O həmçinin qeyd edib ki, biz çox yaxşı başa düşürük ki, dövlətlər və bütövlükdə kollektiv Qərb onilliklər, əsrlər boyu ölkələrə və xalqlara alət kimi yanaşmaq üçün taktikalardan istifadə edib. Əgər regionumuzda belə nümunələr olmasaydı, yəqin ki, ABŞ və kollektiv Qərbin bu taktikanı konkret olaraq postsovet məkanına tətbiq etməyəcəyini düşünmək olardı.

M.Zaxarovanın sözlərinə görə, Moskva səmimiyyətlə Ermənistanın öz suverenliyini qoruyub saxlamasını və milli maraqlara əsaslanan siyasət yürütməsini istəyir.