Zelenski bu vaxta qədər Ukrayna Prezidenti olacaq | Stefançuk

Konstitusiyaya görə, ölkənin hazırkı Prezidenti Volodimir Zelenski yeni prezident vəzifəyə başlayana qədər ölkənin legitim lideri olmaqda davam edir.

Bu sözləri Ukrayna Ali Radasının spikeri Ruslan Stefançuk “Facebook” şəbəkəsindəki səhifəsində qeyd edib.

R.Stefançuk Ukrayna Konstitusiyasının 108-ci maddəsini misal göstərib:

“Ukrayna Prezidenti öz səlahiyyətlərini Ukraynanın yeni seçilmiş prezidenti vəzifəsinə başlayana qədər həyata keçirir. Bu, demokratik cəmiyyətlərdə hakimiyyətin bütövlüyü prinsipidir. V.Zelenski ölkədə hərbi vəziyyətin ləğvindən sonra növbəti seçkilərə qədər legitim prezident olmaqda davam edəcək”.

Qeyd edək ki, bundan öncə Rusiya lideri Vladimir Putin Ukrayna Konstitusiyasının 111-ci maddəsinə əsasən, hazırda bu ölkədə yalnız Ali Rada sədri R.Stefançukun legitim olduğunu, Ukrayna Prezidentinin səlahiyyət müddətinin başa çatdığını bildirib.