Zelenski ilə bağlı qorxunc iddia

“Volodimir Zelenski Gürcüstanın keçmiş prezidenti Mixail Saakaşvilinin taleyini təkrarlayacaq”.

Bunu Rusiyanın Dövlət Dumasının sədri Vyaçeslav Volodin öz “Telegram” kanalında yazıb. Onun fikrincə, Vaşinqton və Brüssel marionetlərinin taleyi həmişə eyni şəkildə bitir – onlardan qurtulurlar.

“Saakaşvili yalnız qalstuk çeynəməsi ilə yadda qalıb. O, həbsxanada izqoy hesab edilən adamdır. Eyni şey Zelenskini də gözləyir”, – deyə o yazıb.

Bundan əvvəl Volodin “Telegram” kanalında Zelenskinin ölkəni “cilalamaq” prosesində olduğunu və bunun ona hakimiyyətdə daha uzun müddət qalmasına imkan verəcəyinə ümid etdiyini bildirib. Dövlət Duması spikerinin sözlərinə görə, bunun üçün başqa şeylərlə yanaşı, əslində polyakları ukraynalılarla eyniləşdirən, onlara eyni hüquqlar verən qanun qəbul edilib. Onlar ölkədə icazəsiz qala, həmçinin iş tapa bilərlər.

Qeyd edək ki, son zamanlar V.Zelenskinin Qərb ölkələri tərəfindən əvvəlki qədər dəstəklənmədiyi, ondan qurtulmağın yollarının axtarıldığı fikirləri rus mediasında tez- tez səsləndirilir.