Zelenski keçmiş müşavirinə nələri qadağan etdi? | Arestoviçin başı yenə bəlada

Ukrayna Prezidenti Volodimir Zelenski 76 nəfərə qarşı sanksiya tətbiqi ilə bağlı fərman imzalayıb. Siyahıda Zelenskinin ofisinin keçmiş müşaviri Aleksey Arestoviçin də adı var.

Sanksiyalar Ukraynanın dövlət mükafatlarından məhrum edilmə, ölkədəki aktivlərin bloklanması, lisenziyaların ləğvi, rəsmi səfərlər, əqli mülkiyyət obyektlərinin başqasına verilməsinə qadağa qoyulması, ticarət müqavilələrinə, mədəni mübadilələrə və elmi əməkdaşlığa xitam verilməsini nəzərdə tutur.

Qeyd edək ki, Arestoviç 2023-cü ilin yanvarında Ukraynanın hava hücumundan müdafiə sistemlərinin səriştəsiz fəaliyyəti nəticəsində Dneprdə çoxmərtəbəli binanın uçması barədə bəyanatından sonra Ukrayna Prezident Aparatının müşaviri vəzifəsindən istefa verib. Həmin vaxtdan bəri o, dəfələrlə ölkə rəhbərliyini tənqid edib.

Həmçinin 2025-ci ilin martında Arestoviç Ukraynanın gələcəyi üçün Zelenskini vəzifədən uzaqlaşdırmağı məsləhət görüb.