Zelenski müdafiə naziri Reznikovu vəzifəsindən azad etdi

Ukrayna Prezidenti Volodimir Zelenski Oleksi Reznikovun müdafiə naziri vəzifəsindən azad edildiyini açıqlayıb.

Prezident hazırda nazir vəzifəsinin icrasının Rüstəm Umerova tapşırıldığını bildirib.

“Ali Rada Umerovu yaxşı tanıyır. Parlamentdən bu namizədə dəstək gözləyirəm”, – deyə o vurğulayıb.

Qeyd edək ki, 41 yaşlı Rüstəm Umerov əslən Krım tatarıdır. O, 2019-cu ildən Ukrayna Ali Radasının xalq deputatıdır. Siyasətçi həmçinin Krım Tatar Milli Qurultayının nümayəndəsi və Mustafa Əbdülcəmil Qırımoğlunun müşaviridir.