Zelenski ona edilən sui-qəsdlərdən danışdı

“Mən 5-6 sui-qəsd cəhdindən sağ çıxmışam”.

Bu sözləri Ukrayna Prezidenti Volodimir Zelenski Birləşmiş Krallığın “The Sun” nəşrinə müsahibəsində deyib.

“Birinci sui-qəsd cəhdi çox maraqlı idi. İnsanlar arasında panikaya səbəb olmuşdu. Lakin cəhdlərin sayı artdıqdan sonra isə, bu hal COVID-19 pandemiyası kimi geniş yayılan bir məsələyə çevrildi”, – deyə ölkə başçısı əlavə edib.

Bundan sonra Zelenski ölkədəki vəziyyətə də diqqət çəkib. Bildirib ki, ABŞ və Çin Rusiyanın Ukrayna ərazisindən çıxmasına dair birgə çağırış edənə qədər regionda hücumların ard-arası kəsilməyəcək.

Ukrayna Prezidenti onu da əlavə edib ki, HƏMAS-İsrail müharibəsi dünyanın diqqətini Ukraynadan yayındırıb.