Zelenskinin başı bəlaya girdi | Prezidenti məhkəməyə verən isə...

Ukraynalı milyarder Dmitri Firtaş 2024-cü ildə ona tətbiq edilən şəxsi sanksiyalara görə Ukrayna Prezidenti Volodimir Zelenskiyə qarşı məhkəmə iddiası qaldırıb.

Bu barədə yerli mətbuat Ukrayna məhkəməsinin məlumatına istinadən xəbər yayıb.

Bildirilib ki, milyarder prezidentin Ukrayna Milli Təhlükəsizlik və Müdafiə Şurasının sanksiyalarının tətbiqi ilə bağlı qərarının qüvvəyə minməsinə dair 24 iyun 2024-cü il tarixli fərmanına etiraz edib. Respublika Ali Məhkəməsi iş adamının iddiasını qəbul edib.

Onun etirazı ölkədə hökm sürən müharibə şəraiti, biznesin inkişafina təsir edən əngəllərin mövcudluğu və milyonlarla pul itirməsi ilə bağlıdır.

Qeyd edək ki, sanksiyalar aktivlərin bloklanması, ticarət əməliyyatlarının tamamilə dayandırılması və kapitalın ölkədən kənara çıxarılmasının qarşısının alınmasını nəzərdə tutur. 2023-cü ilin mayında Ukraynanın İqtisadi Təhlükəsizlik Bürosu milyarder Dmitri Firtaşı dələduzluq yolu ilə ölkə büdcəsinə 18 milyard qrivna ziyan vurmaqda şübhəli bilib.