Zelenskinin ölümü üçün gəldilər | Detallar ortaya çıxdı

“Müharibə başlamamışdan bir neçə həftə öncə Rusiya Müdafiə Nazirliyinin Baş Kəşfiyyat İdarəsinin əməkdaşları Kiyevə Zelenskinin qətlini həyata keçirmək üçün gəlmişdilər”.

Bu barədə ukraynalı müstəntiq Xristo Qrozev jurnalist Mixail Ziqara müsahibəsində Volodimir Zelenskinin qətlinin necə planlaşdırıldığı barədə danışarkən deyib.

X.Qrozevin sözlərinə görə, qruplaşma Ukraynaya müharibə başlamazdan bir neçə həftə əvvəl gəlib: “Onlar Kiyevə yaxın olmaq üçün Belarus ərazisinə daxil olublar. Bəziləri isə Kiyevə girib, şəhərin mərkəzi məhəlləsini tutmaq niyyətində idilər. Onlar Andrey Averyanovun tabeliyində olan 30-a yaxın adam olub. Bu, çox yüksək səviyyəli, elit qrup idi”.

O qeyd edib ki, bunlar Çexiya və Bolqarıstanda anbarları partladan, Skripalları zəhərləyənlərdir: “Biz bu komandanın bir neçə üzvünün işini izləmişik. Bu həm qorxulu, həm də gülməli idi. Bu, qorxulu idi, çünki onların məqsədlərinin nə olduğunu gördük. Gülməli idi, çünki onlar hər gün rəhbərliyi pis planlaşdırılmış əməliyyata görə tənqid ediblər”.