Zəlzələnin mərkəzi Kahramanmaraş dronla görüntüləndi

Türkiyədə zəlzələnin mərkəzi olan Kahramanmaraşda şəhər mərkəzi 10 ay sonra dronla görüntülənib.

Fevralın 6-da baş verən zəlzələlərdə 11 bölgə zərər çəkib, 50 mindən çox insan həyatını itirib. “Əsrin fəlakəti” olaraq xarakterizə edilən zəlzələlərdən 10 ay 12 gün keçir.

12 659 adamın həyatını itirdiyi Kahramanmaraşda şəhər mərkəzinin son görünüşü dronla lentə alınıb. Şəhərin mərkəzindəki binaların bəziləri zəlzələ zamanı dağılıb, bəziləri isə zəlzələdən sonra idarəli şəkildə sökülüb. Demək olar ki, boş əraziyə çevrilən şəhər mərkəzində tikinti işləri davam edir. Bir çox sahədə hələ də dağıntıların yığışdırılması prosesinin getdiyi müşahidə edilir.