21 yaşlı gəncin ölümünə səbəb olan dəhşətli hadisə | Kənd sakini nələri danışdı?

Kürdəmirdə ağır yol-nəqliyyat hadisəsi baş verib.

Hadisə Bakı-Qazax əsas magistral yolunun rayonun Sığırlı kəndi ərazisindən keçən hissəsində qeydə alınıb.

Kənd sakini 2004-cü il təvəllüdlü Qafqaz Mənəfli idarə etdiyi “Mercedes” markalı avtomaşınla işlədiyi atoyuma məntəqəsindən evə qayıdarkən qəfildən idarəetməni itirib.

Nəticədə avtomobil yol kənarında yerləşən cərəyan transfarmatoruna çırpılıb. Hadisə yerinə dərhal Dövlət Yol Polisi bölməsinin əməkdaşları cəlb olunub.

Qəza zamanı sürücü ağır bədən xəsarəti alıb və dərhal Kürdəmir Rayon Mərkəzi Xəstəxanasına aparılıb. Tibbi yardım əməkdaşlarının səylərinə baxmayaraq, sürücü yolda dünyasını dəyişib.

Onun meyiti Məhkəmə-Tibbi Ekspertizası və Pataloji Anatomiya Birliyinin Kürdəmir rayon şöbəsinə təhvil verilib.

Faktla bağlı araşdırma aparılır.