26 il əvvəl baş verən qətlin detalları | Qatil neçə il azadlıqdan məhrum edildi?

26 il əvvəl törədilmiş cinayətə görə qəsdən adam öldürmə maddəsi ilə təqsirləndirilən Kərim Kərimlinin işi üzrə məhkəmə prosesi yekunlaşıb.

Bakı Ağır Cinayətlər Məhkəməsinin hakimi Səbinə Məmmədzadənin sədrliyi ilə keçirilən son prosesdə hökm elan edilib.

Belə ki, Kərim Kərimli 17 il azadlıqdan məhrum edilib. Dövlət ittihamçısı Ziya Mansurov isə onun 18 il azadlıqdan məhrum edilməsini məhkəməyə təklif edib.

Qeyd edək ki, 1933-cü il təvəllüdlü Zoyaxanım Rzayevanın 1997-ci il yanvarın 24-də yaşadığı evdə qəsdən öldürülməsi faktı ilə bağlı prokurorluq məlumat yayıb. Baş prokurorluq, daxili işlər orqanları və Ədliyyə Nazirliyinin Penitensiar xidməti tərəfindən həyata keçirilmiş koordinasiyalı tədbirlər nəticəsində Kərim Kərimli tərəfindən aralarında yaranmış mübahisə zəminində Zoyaxanım Rzayevanın xüsusi amansızlıqla qəsdən öldürməsinə əsaslı şübhələr müəyyən edilib.