Pleyeri seçin:
AFFA-nın keçmiş baş katibi Çingiz İsmayılov 89 yaşında dünyasını dəyişdi
Xəbərlərimizi Google-da izləyin
Yeniliklərdən dərhal xəbərdar olun
AFFA-nın keçmiş baş katibi Çingiz İsmayılov vəfat edib. O, 89 yaşında dünyasını dəyişib.
Bu barədə Azərbaycan Mətbuat Şurasının icraçı katibinin müavini, jurnalist İlqar Tağıyev sosial şəbəkədə məlumat yayıb.
“Futbol veteranı Çingiz İsmayılov bu gün haqq dünyasına qovuşdu. Aprelin 12-si 90 yaşını qeyd edəcəkdi”, − deyə jurnalist bildirib.
Xatırladaq ki, bir müddət əvvəl Çingiz İsmayılovun pnevmoniya səbəbindən xəstəxanaya yerləşdirildiyi bildirilmişdi.
Çingiz İsmayılov 1935-ci ildə Bakıda doğulub. O, 1955-1962-ci illərdə “Neftçi”nin şərəfini qoruyub. Bundan başqa, futbolçu Bakının və Gəncənin Dinamo, habelə Neft daşları komandalarında çıxış edib.
1994-cü ildə AFFA-nın baş katibi seçilib. 9 il ölkənin ali futbol qurumunda çalışıb. O, 2022-ci ildə “Tərəqqi” medalı ilə təltif edilib.
Kopyalandı
Seçilmişlər
