Hadisə
Pleyeri seçin:
Ağcabədidə baş verən dəhşətli qətllə bağlı Baş Prokurorluqdan açıqlama
Ağcabədidə qohumunu qəsdən öldürməkdə şübhəli bilinən şəxs tutulub.
Bu barədə Ağcabədi rayon prokurorluğunun məlumatında deyilir.
Xəbərə görə, mayın 2-də Ağcabədi rayon sakini, 1991-ci il təvəllüdlü Nəzmiyyə Məhərrəmovanın öldürülməsi barədə rayon prokurorluğuna məlumat daxil olub.
Araşdırma zamanı 1992-ci il təvəllüdlü Elgiz Məhərrəmovun rayonun Sarıcalı kəndi ərazisində yerləşən fərdi yaşayış evində Nəzmiyyə Məhərrəmovaya bıçaqla xəsarət yetirərək qəsdən öldürməsinə əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Elgiz Məhərrəmov prokurorluğun qərarı ilə iş üzrə şübhəli şəxs qismində tutulub. Hazırda ibtidai istintaq davam edir.
Qeyd edək ki, cinayət əməlini törətməkdə şübhəli bilinən Elgiz Məhərrəmov Nəzmiyyə Məhərrəmovanın qaynıdır.
Kopyalandı
Seçilmişlər
