Ağdaşda doğuş zamanı faciə | ana həyatını itirdi

Ağdaşda qeysəriyyə əməliyatı zamanı əvvəlcə uşaq, 3 gün sonra isə anası dünyasını dəyişib. Hadisə Ağdaş Rayon Mərkəzi Xəstəxanasında baş verib.

Rayonun Hapıtlı kənd sakini, 33 yaşlı Nübar Mərdanova fevralın 18-də səhər saatlarında təcili yardım briqadası ilə Ağdaş Rayon Mərkəzi Xəstəxanasının təcili yardım bölməsinə gətirilib. Ona 43-44 həftəlik hamiləlik, uşaqlığın cırılma təhlükəsi, ölü döl, intoksikasiya, kəskin qan itirmə diaqnozları qoyularaq, ginekologiya və doğum şöbəsinə yerləşdirilib. O, günorta saatlarında qeysəriyyə kəsiyi əməliyyatı ilə doğuşdan azad edilərək reanimasiya şöbəsinə aparılıb.

Nübar Məmmədovanın meyiti müayinə olunması üçün Səhiyyə Nazirliyinin Məhkəmə-Tibbi Elspertiza və Pataloji Anatomiya Birliyinin Ağdaş rayon şöbəsinə yerləşdirilib.

Qeyd edək ki, Nübar Mərdanova 4-cü dəfə ana olmağa hazırlaşırdı və bundan əvvəl onun 2-ci övladı da doğuş zamanı dünyasını dəyişib.

Hazırda faktla bağlı araşdırma aparılır.