Ana və övladına dəhşət yaşadan şəxsə cəza | Binəqədidəki qandonduran hadisənin detalları

Bakının Binəqədi rayonunda qeyri-rəsmi nikah münasibətində yaşadığı qadının azyaşlı övladını işgəncə verməklə qətlə yetirməkdə təqsirləndirilən Yaşar Abbasovun cinayət işi üzrə məhkəmə prosesi yekunlaşıb.

Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Yaşar Abbasov 18 il müddətinə azadlıqdan məhrum edilib.

Xatırladaq ki, dövlət ittihamçısı Yaşar Abbasovun 20 il müddətinə azadlıqdan məhrum edilməsini istəyib. Yaşar Abbasov qeyri-rəsmi nikahda yaşadığı İpək Əhmədovanı döyməkdə, onun doqquz yaşlı fiziki qüsurlu oğlu Əli Seyidvəli oğlu Əhmədzadəni isə işgəncə verməklə qəsdən öldürməkdə təqsirləndirilib. Yaşar Abbasova qarşı Cinayət Məcəlləsinin bir neçə maddəsi ilə ittiham irəli sürülüb.

Qeyd edək ki, zərərçəkən şəxsin hüquqi varisi olan anası İpək Əhmədova hazırda məhkumdur. O, narkotik vasitələrin qanunsuz istifadəsi ittihamı ilə həbs olunub.