Arvadını qətlə yetirdi və qaçdı

Gəncədə qətl hadisəsi baş verib. Ər həyat yoldaşını bıçaqla qətlə yetirib.

Hadisə şəhərin Nərimanov küçəsi 32 ünvanında yerləşən binanın 39 saylı mənzilində baş verib.

Qadının üzərində xəsarətlər olan meyiti yaşadıqları binanın qarşısında hadisə yerinə gələn polis əməkdaşları tərəfindən aşkar olunub. Hüquq mühafizə orqanları ilkin araşdırma zamanı onun 43 yaşlı Yeganə Hümbətova olmasını müəyyən edib.

Qadını öldürməkdə şübhəli bilinən həyat yoldaşı 38 yaşlı Elşən Quliyev hadisə yerindən qaçıb. Onun saxlanılması istiqamətində əməliyyat tədbirləri aparılır. Faktla bağlı Gəncə şəhər prokurorluğunda cinayət işi başlanılıb.