Arvadının ölümündən sonra kabus görən kişinin sirli ölümü - SONUNCU ŞAHİD

Kişi yuxusunda mağazasına oğru girdiyini gördü, qarətçi tərəfindən qətlə yetirildi.

Belə ki, 60 yaşlı Vidadi (Adlar şərtidir) yuxusunda tez-tez qarətçinin mağazaya girib onun boğazından yapışdığını görürdü. Son günlər ona elə gəlirdi ki, mağazaya oğru girəcək, oranı qarət edəcək və hətta onu qətlə yetirəcək.

Gecəni yuxusuz keçirdiyinə baxmayaraq, Vidadi hər səhər olduğu kimi, işə hazırlaşır. Musiqi dinləyərək dəmlədiyi çayı içən Vidadi özünü xoş günə kökləyir. Günə belə başlamaq onun tənhalığının əlaməti idi. 2013-cü ildə həyat yoldaşının ölümündən sonra tək yaşayan Vidadi ikinci dəfə ailə həyatı qurmamışdı.

Vidadi mağazasında həm də satıcı kimi işləyirdi. Bu mağazadan qazancı onun yaşayışını istədiyi kimi təmin edirdi.

Günorta Vidadi dükanı bağlayıb dostu Nüsrətlə nahara gedir. Orada dostuna son vaxtlar gördüyü yuxulardan danışır. Nüsrət isə ona bu yuxulara inanmamasını, amma hər ehtimala qarşı ehtiyatlı olmasını məsləhət görür.

Vidadi işdən evə qayıdarkən Nüsrətin dediklərini düşünür və təhlükə hiss etdiyi üçün yata bilmir. Daha sonra yuxuya gedərkən yenidən eyni kabusları görür. Səhər Vidadi mağazanın qapısını açıb işə başlayır.

İlk müştərisi qapıdan çıxan kimi günlərdir onu gözləyən şübhəli şəxs mağazanın qarşısında peyda olur. Vidadi kassanı açıb pullara baxır, bir anlıq yuxuya gedir və qarətçi kabusunu görməyə başlayır.

Daha sonra qarətçi mağazaya girərək Vidadini qətlə yetirir və kassadakı pulları götürüb qaçır.