Atasını öldürməkdə təqsirləndirilən oğul hakim qarşısında - Baku TV
Bakıda atasını qətlə yetirməkdə təqsirləndirilən Ayxan Vəlizadənin cinayət işi üzrə məhkəmə hazırlıq iclası keçirilib.
Bakı Ağır Cinayətlər Məhkəməsinin hakimi Eldar İsmayılovun sədrliyi ilə baş tutan ilk iclasda təqsirləndirilənin anket məlumatları dəqiqləşdirilib.
Ayxan Vəlizadənin barəsində seçilmiş həbs qətimkan tədbirinin dəyişdirilmədən cinayət işinin məhkəmə baxışına verilməsi ilə bağlı qərar qəbul edilib. Məhkəmənin baxış iclası mayın 6-na təyin edilib.
Qeyd edək ki, hadisə 2025-ci ilin dekabrında Sabunçu rayonunun Ramana qəsəbəsi "Gülçülük Sovxozu" adlanan ərazidə baş verib. Qəsəbə sakini, 1981-ci il təvəllüdlü İftixar Vəlizadənin yaşadığı mənzildə qətlə yetirilməsi ilə bağlı polisə məlumat daxil olub. İlkin araşdırmalarla İftixar Vəlizadənin 2006-cı il təvəllüdlü oğlu Ayxan Vəlizadə tərəfindən kəsici alətlə xəsarət yetirilərək öldürülməsinə əsaslı şübhələr müəyyən olunub.
Ayxan Vəlizadə təqsirləndirilən şəxs qismində istintaqa cəlb olunaraq ona Cinayət Məcəlləsinin 120.1-qəsdən adam öldürmə maddəsi ilə ittiham irəli sürülüb.
#Sabunçu rayonu teqi istifadə olunub
- 11 il əvvəl törədilən ağır cinayətin təfərrüatları - Baku TV
- "Bu küçəyə təcili yardım belə gəlmir" | Qəsəbə sakinləri yol problemindən gileyləndi - Baku TV
- Sabunçuda kollektor dağıldı, evləri, həyətləri su basdı - Baku TV
- “Ev söhbəti deyil, aşıb üstünə, söhbət bağlanıb...” | Sakin dağıntılar altında qaldı - Baku TV
- 21 illik ərini qətlə yetirən qadın hadisənin təfərrüatlarını danışdı - Baku TV
