Azərbaycanda güclü zəlzələ ilə bağlı son dəqiqə məlumatı

Azərbaycanın cənub bölgəsində 5 maqnitudalı zəlzələ baş verib.

Bu barədə Seysmoloji Xidmət Mərkəzindən bildirilib.

Məlumata əsasən, yeraltı təkanlar Lerik stansiyasından 27 kilometr şərqdə Lerik rayonunda qeydə alınıb.

Zəlzələ episentrdə 5 bala yaxın, ətraf rayonlarda – Lerik, Lənkəran, Astara, Yardımlı, Masallı, Cəlilabadda 4, digər rayonlarda isə 3 bal gücündə hiss olunub.

Zəlzələnin yerli vaxtla saat 07:43-də qeydə alındığı bildirilib. Təkanlar 18 kilometr dərinlikdə meydana gəlib.