Azərbaycandakı güclü küləyin fəsadları | Qurum bərpa işləri ilə bağlı hərəkətə keçdi

Güclü külək nəticəsində Bakıda 368 ağac sınıb, 55-i zədələnib.

Bu barədə “Oxu.Az”a Bakı Şəhər Yaşıllaşdırma Təsərrüfatı Birliyindən məlumat verilib.

Bildirilib ki, aprel ayının 15-dən başlayan leysanla müşahidə edilən şiddətli küləyin sürəti saatda 90 kilometrə çatıb və şəhərin müxtəlif rayonlarında 368 ağacın sınmasına, 55-dən çox ağacın budaqlarının qırılmasına səbəb olub.

Qeyd olunub ki, qırılan ağacların birliyin əməkdaşları tərəfindən kəsilməsi və ərazinin təmizlənməsi işləri aparılır.

Eyni zamanda şiddətli külək nəticəsində zədələnən, aşma təhlükəsi olan ağaclara aqrotexniki qulluq göstərilir, dayanıqlılığının artırılması üçün dirəklər qurulur və bərpası istiqamətində işlər həyata keçirilir. Hazırda Birliyin mobil qrupları şəhərin müxtəlif ərazilərində gücləndirilmiş iş rejimində çalışır.