Hadisə
Pleyeri seçin:
Azərbaycanlı biznesmen Türkiyədə qətlə yetirildi
Türkiyədə yaşayan və tütün məmulatlarının satışı ilə məşğul olan azərbaycanlı iş adamı güllələnib. Hadisə Ankarada baş verib.
Məlumata görə, soydaşımız Şamil Xalidlə onun şəriki Ahmet Dikbaş arasında mübahisə yaranıb. Sonra A.Dikbaş üstündə gəzdirdiyi silaha əl atıb və azərbaycanlı şərikinə atəş açıb. Qasıq nahiyəsindən yaralanan Xalid qaçaraq küçədəki ərzaq mağazasına sığınıb. Lakin A.Dikbaş yaralının ardınca düşərək daha üç atəş açıb. Bu dəfə güllələr Xalidin ürəyinə tuş gəlib.
Hadisə yerinə dərhal polis və təcili tibbi yardım xidməti cəlb edilib. A.Dikbaş hüquq-mühafizə orqanları əməkdaşları tərəfindən saxlanılıb. Azərbaycanlı iş adamı Ş.Xalid isə xəstəxanaya aparılsa da, onun həyatını xilas etmək mümkün olmayıb. İnsidentin təfərrüatları araşdırılır.
Kopyalandı
Seçilmişlər
