Bakı dairəvi yolunda təhlükəli vəziyyət

Bakı dairəvi yolunda böyük qaya parçaları yola düşərək nəqliyyat vasitələrini və yolu zədələyib.

Sözügedən yolda yaranmış problemlə bağlı Azərbaycan Avtomobil Yolları Dövlət Agentliyinin xüsusi texnikaları və canlı qüvvəsi səfərbər olunub.

“Yolda aparılan təxirəsalınmaz tədbirlər nəticəsində qısa müddət ərzində qaya parçaları ərazidən uzaqlaşdırılıb, hərəkətin təhlükəsizliyi və fasiləsizliyi təmin olunub. Hadisə nəticəsində yol təsərrüfatına da ciddi ziyan dəyib. Hazırda həmin ziyanın aradan qaldırılması istiqamətində agentlik tərəfindən işlər aparılır”, – deyə AAYDA-nın sözçüsü Anar Nəcəfli bildirib.