Bakı metrosunda faciə baş verdi

Bakı metrosunda maşinist sükan arxasında vəfat edib. Hadisə yanvarın 22-si saat 3 radələrində motovoz maşinisti işləyən 64 yaşlı Aydın Kərimli “Avtovağzal” metrostansiyasının 98-ci piketində 12327 nömrəli təsərrüfat qatarını idarə edən zaman qəfildən halı pisləşib. Nəticədə o, dünyasını dəyişib.

Hadisə zamanı qatarın hərəkətində hər hansı problem yaranmayıb. Maşinist köməkçisinin dispetçerə məlumatı əsasında dərhal təcili tibbi yardım çağırılıb. Aidiyyəti strukturlara və maşinistin ailəsinə məlumat verilib.

Faktla bağlı Binəqədi Rayon Prokurorluğunda araşdırma aparılır.