Pleyeri seçin:
Bakı-Salyan yolunda dəhşətli qəza
Bakı-Salyan yolunda ölümlə nəticələnən ağır yol-nəqliyyat hadisəsi baş verib. Qəza zamanı 4 nəfər ölüb, 2 nəfər isə yaralanıb.
Baş Dövlət Yol Polisi İdarəsindən verilən məlumata görə, hadisə magistral yolun 29-cu kilometrliyində qeydə alınıb.
İlkin məlumata görə, “Hyundai Accent” markalı avtomobil xarab olaraq yolun kənarında dayanıb. Bu vaxt eyni istiqamətdə hərəkətdə olan “KamAZ” markalı yük maşını minik avtomobilinə çırpılıb. Qəza nəticəsində minik avtomobilində olan 3 qadın sərnişin – 63 yaşlı Mirsəkinə Mikayılova, 48 yaşlı Elnarə Hüseynova və 51 yaşlı Dilarə Bağırova hadisə yerində həlak olublar.
Qəza zamanı xəsarət alan 3 nəfər Neftçala rayon sakini – 57 yaşlı Elxan Hüseynov, 3 yaşlı Bayxan Bağırov və 52 yaşlı Xannənə Ağayeva TƏBİB-in tabeliyindəki Salyan Rayon Mərkəzi Xəstəxanasına yerləşdirilsə də, onlardan 3 yaşlı körpənin həyatını xilas etmək mükün olmayıb. Faktla bağlı araşdırma aparılır.
Kopyalandı
#Bakı-Salyan yolu teqi istifadə olunub
Seçilmişlər
