Bakıda dəhşətli hadisə | Çörək zavodunun əməkdaşı iş yoldaşını niyə öldürdü? - Baku TV

Bakıda iş yoldaşını qətlə yetirməkdə təqsirləndirilən Şahlar Ağayevin cinayət işi üzrə məhkəmə araşdırması yekunlaşıb.

Bakı Ağır Cinayətlər Məhkəməsinin hakimi Aygün Qurbanovanın sədrliyi ilə keçirilən prosesdə prokuror təqsirləndirilənin 12 il azadlıqdan məhrum olunmasını məhkəməyə təklif edib.

Çıxışlar üçün söz müdafiə tərəfinə verilsə də, buna hazır olmadıqlarından növbəti prosesədək məhkəmədən vaxt istəyiblər. Növbəti proses yanvarın 12-nə təyin edilib.

Qeyd edək ki, 1999-cu il təvəllüdlü Şahlar Ağayev Yasamal rayonu, Tbilisi prospekti ərazisində şəxsi münasibətlər zəminində aralarında yaranmış mübahisə zamanı 1992-ci il təvəllüdlü iş yoldaşı Pünhan Fərzallını bıçaqlayaraq öldürməkdə təqsirləndirilir. Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi açılaraq ittiham irəli sürülüb.

Məlumat üçün bildirək ki, hər iki şəxs Bakıdakı tanınmış çörək zavodlarından birinin işçiləri olub olub.