Bakıda qəza törədən sürücü ərazidən yayınıb

Nərimanov rayonunda 3 avtomobilin iştirakı ilə baş verən yol qəzası zamanı 1 nəfər xəsarət alıb.

Hadisə Ziya Bünyadov prospektinin rayon ərazisinə düşən hissəsində qeydə alınıb. İlkin məlumata görə, “Lexus” markalı minik avtomobilinin sürücüsü prospektlə hərəkətdə olarkən idarəetməni itirib.

Nəticədə nəqliyyat vasitəsi əvvəlcə “Opel” markalı avtomobilə çırpılaraq istiqamətini dəyişib.

Daha sonra o, “Hyundai” markalı minik maşını ilə toqquşub.

Qəza zamanı “Hyundai”ın sürücüsü, 1993-cü il təvəllüdlü Sadıqov Orxan Rasim oğlu xəsarət alıb.

Yaralı 1 saylı Şəhər Klinik Xəstəxanasına yerləşdirilib. Ona qolun və bədənin müxtəlif nahiyələrinin əzilmiş yarası diaqnozu qoyulub.

Qəzanı törədən “Lexus”un sürücüsü isə hadisə yerində yayınıb.

Faktla bağlı Nərimanov Rayon Polis İdarəsində araşdırma aparılır.

Kamil Əmirli

Elşad Mətləboğlu