Bakıda qız üstündə baş verən qətllə bağlı hər şey ortaya çıxdı

Paytaxtın Nərimanov rayonunda baş verən qətllə bağlı bəzi detallar məlum olub.

“Oxu.az”ın əldə etdiyi məlumata görə, baş verən silahlı insidentdə öldürülən Tural Kosayevlə cinayəti törətməkdə şübhəli bilinən İsmayıl Allahverdiyev həmkəndlidirlər. Hər iki şəxs Qazaxın Daş Salahlı kəndindədir.

Bundan başqa, əldə olunan məlumata görə, İsmayıl Allahverdiyev müddətdən artıq həqiqi hərbi xidmət qulluqçusudur.

Baş Prokurorluğun Mətbuat Xidmətindən bildirilib ki, paytaxtın Nərimanov rayonu, Ağa Nemətulla küçəsi 95 ünvanında 2000-ci il təvəllüdlü Tural Kosayevin öldürülməsi barədə rayon prokurorluğuna məlumat daxil olub.

Araşdırma zamanı 2003-cü il təvəllüdlü İsmayıl Allahverdiyevin üzərində olan odlu silahdan atəş açaraq tanışı Tural Kosayevi qəsdən öldürməsinə əsaslı şübhələr müəyyən edilib.

Faktla bağlı Nərimanov Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, İsmayıl Allahverdiyev iş üzrə şübhəli şəxs qismində tutulub. Hazırda ibtidai istintaq davam davam edir.