Bakıdan Yevlaxa gedən yol darmadağın oldu | Ərazidə son vəziyyət
İntensiv yağıntılar nəticəsində Bakı-Şamaxı-Yevlax avtomobil yolunun Qobustan rayonu ərazisindən keçən 75.2-ci kilometrlik hissəsində (sağ tərəf) sürüşmə baş verib.
Azərbaycan Avtomobil Yolları Dövlət Agentliyinin məlumatına görə, nəticədə yolun sağ çiyin hissəsi 150 metr uzunluğunda və torpaq yamacı 40 metr enində olmaqla sıradan çıxıb.
Bundan başqa, yolun sol hərəkət istiqamətində torpaq yatağı yamacının hərəkət hissəsinə doğru sürüşdüyü müəyyən edilib. Sürüşən hissənin uzunluğu 240, eni yamac boyunca 50 metr təşkil edir. Yolun hərəkət hissəsinin hər iki istiqamətində çatlar və çökmələr əmələ gəldiyi və hazırda sürüşmə prosesinin inkişaf fazasında olduğu da qeydə alınıb.
Hazırda sürüşmə nəticəsində yol təsərrüfatına dəyən ziyanın aradan qaldırılması istiqamətində işlər davam etdirilir.
Sözügedən hissədə baş verən sürüşmənin və müəyyən edilən sürüşmə nöqtələrinin yarada biləcəyi fəsadların qarşısının alınması və avtonəqliyyat vasitələrinin təhlükəsiz hərəkətini təmin etmək məqsədilə ərazidə bərpa işləri aparılır, qabaqlayıcı tədbirlər görülür.
#Bakı-Şamaxı-Yevlax yolu teqi istifadə olunub
- Sürücüləri boğaza yığan yol problemi | Ağsuda yağış yağdı, çökmələr genişləndi
- Dövlət Yol Polisi səhhətində ciddi problemlər olan sürücülərə müraciət etdi
- Minik avtomobili yük maşını ilə toqquşdu | Hadisə ilə bağlı təcili məlumat
- Bakı-Şamaxı-Yevlax yolunda zəncirvari qəza | Sürücü hadisə anını danışdı
- Ağdaşda dəhşətli yol qəzası | Hadisənin detalları açıqlandı
