Bakının Binəqədi rayonunda kafelərin birində dəhşətli yanğın

Paytaxtın Binəqədi rayonunda güclü yanğın baş verib.

Hadisə Məhəmməd Əmin Rəsulzadə qəsəbəsində yerləşən kafelərdən birində, obyektin dam hissəsində qeydə alınıb.

Əraziyə dərhal Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb olunub. Alovun genişlənməsinin qarşısı alınıb və bina yanğından mühafizə olunub.

Qeyd edək ki, hadisə nəticəsində sahibkarlara külli miqdarda zərər dəyib.