Bakının məşhur binasında silahlı münaqişə

30 dekabr 2024 351 baxış

Bakının mərkəzində yerləşən yaşayış komplekslərindən birində dəhşətli hadisə baş verib.

Narkotik maddə təsiri altında olan şəxs yaşayış kompleksində mühafizəçi işləyən şəxsə xəncərlə hücum edib.

Belə ki, bina sakinləri 20-ci mərtəbənin foyesində narkotik maddə istifadə edən iki nəfəri görüb və dərhal mühafizəçi Yaşar Həmidliyə xəbər veriblər.

O bildirir ki, hadisə yerinə çatanda narkotikin təsiri altında olan şəxslərdən aşağı enməyi tələb edib. Lakin onlar bu tələbə məhəl qoymayaraq, mühafizəçini söyməyə və döyməyə başlayıblar:

“Məni balkondan aşağı atmaq istədilər. Oradan ayrılıb aşağı düşəndə narkomanlardan biri xəncərlə gəlib məni vurmaq istədi, lakin digər mühafizəçi qarşısını aldı”.

Zərərçəkənin sözlərinə görə, hadisə nəticəsində baş və bədən nahiyələrindən xəsarət alıb.

Daxili İşlər Nazirliyindən bildirilib ki, həmin şəxs polis əməkdaşları tərəfindən müəyyən olunaraq saxlanılıb. Faktla bağlı araşdırma aparılır.

#Daxili İşlər Nazirliyi