Beyləqanda silahlı insident | Hadisəni törədən şəxslə bağlı DİN-dən açıqlama

İyulun 17-də Beyləqan Rayon Polis Şöbəsinə rayon sakini Yusif Cuvarlının odlu silahdan açılan atəş nəticəsində xəsarət alması barədə məlumat daxil olub.

Bu barədə Daxili İşlər Nazirliyindən bildirilib.

Qeyd olunub ki, polis əməkdaşlarının keçirdikləri tədbirlər nəticəsində cinayət əməlini törətməkdə şübhəli bilinən zərərçəkmişin tanışı Samir Axundov saxlanılıb. Hadisəni törədərkən istifadə etdiyi odlu silah aşkar olunaraq maddi sübut kimi götürülüb.

Faktla bağlı Beyləqan Rayon Polis Şöbəsində araşdırmalar davam etdirilir.