Biləsuvarda ölümlə nəticələnən yol qəzası | Araşdırma başladıldı

Biləsuvarda ölümlə nəticələnən yol-nəqliyyat hadisəsi baş verib.

Hadisə Ələt-Astara magistralının 88-ci kilometrliyində Biləsuvar rayonu ərazisində qeydə alınıb. Belə ki, hərəkətdə olan minik avtomobili yük avtomobilinə çırpılıb.

Qəza nəticəsində Lənkəran rayonunun Liman şəhər sakini 28 yaşlı Vüqar Əsgərli həyatını itirib. Həmin nəqliyyat vasitəsində olan Lənkəran rayonunun Hirkan qəsəbə sakini 58 yaşlı Tofiq Salahlı baş nahiyəsindən xəsarət alaraq Biləsuvar Rayon Mərkəzi Xəstəxanasına yerləşdirilib.

Faktla bağlı araşdırma aparılır.