Pleyeri seçin:
"Binə" Ticarət Mərkəzində güclü yanğın
Xəbərlərimizi Google-da izləyin
Yeniliklərdən dərhal xəbərdar olun
Bakının Qaradağ rayonu ərazisində yerləşən "Binə" ticarət mərkəzində güclü yanğın baş verib.
Yanğın ticarət mərkəzinin “Elit” hissəsində başlayıb, daha sonra xeyli əraziyə keçib. Üçüncü sıradan başlayan yanğın paltar bölümünü külə döndərib.
Hadisə ilə bağlı FHN "3-cü dərəcəli" çağırış elan edib. Qısa zaman ərzində əraziyə Dövlət Yanğından Mühafizə Xidmətindən 130 nəfər şəxsi heyət, 30 texnika, Xüsusi Riskli Xilasetmə Xidmətindən 40-a yaxın şəxsi heyət, 5 ədəd texnika, Mülki müdafiə qoşunlarından 51 nəfər şəxsi heyət, 3 ədəd texnika cəlb olunub.
Əraziyə fövqəladə hallar nazirinin müavini Etibar Mirzəyev, Dövlət Yanğından Mühafizə Xidmətinin rəisi Füzuli Əsədov, Qaradağ Rayon Polis İdarəsinin rəisi və digər rəsmi şəxslər də gəlib.
Fövqəladə Hallar Nazirliyinin ərazidə olan nümayəndələrindən verilən ilkin məlumata görə, yanğına mağazaların birində yerləşən elektrik naqillərində yaranan qısaqapanma səbəb olub.
Nazir müavini Etibar Mirzəyev jurnalistlərə açıqlamasında bildirib ki, alovlar təxminən 2-3 min kvadrat kilometr ərazini əhatə edib:
Havanın küləkli olması alovların yayılmasına şərait yaradaraq yanğının söndürülməsinə mane olsa da, alovlar tamamilə söndürülüb.
Hadisənin dəqiq hansı səbəbdən baş verməsi və sahibkarlara dəyən ziyan aparılan araşdırmalardan sonra bəlli olacaq.
Kamil Əmirli
Elşad Mətləboğlu
Kopyalandı
Seçilmişlər
