Bir yataqda sevgi və cinayət | Qadına cəhənnəmi yaşadan keçmiş ərin sonu - SONUNCU ŞAHİD

Ər keçmiş həyat yoldaşını vəhşicəsinə qətlə yetirib.

Belə ki, Bahar Nəsirova (ad və soyadlar şərtidir) və Əhliman İmanov bir-birlərini sevərək ailə qursalar da, bir müddət sonra aralarındakı narazılıq səbəbindən boşanıblar.

Boşandıqdan sonra Bahar şəxsi evində yaşamağa davam edib, Əhliman isə ailəsinin yanına qayıdıb.

Günlərin birində Bahar həmişəki kimi işdən evə qayıdır. Rəfiqəsi ilə danışarkən ona keçmiş həyat yoldaşının evinin ətrafında dolandığını, içəri girməyə çalışdığını və onu qorxutduğunu deyir.

Növbəti gün Bahar işə gedərkən Əhliman qəflətən onun evinə gəlməyə qərar verir. O, əvvəlcə evi kənardan izləyir, sonra isə qapını açmağa çalışır.

Nəhayət, evə daxil olaraq bir müddət içəridə gəzişir və çarpayıya uzanır. Bahar evə gələndə isə gecəyarısı qəfil peyda olaraq onu vəhşicəsinə qətlə yetirir və hadisə yerindən qaçır.