Buzovnada film kimi oğurluq | Polis təcili hərəkətə keçdi

Xəzər rayonunun Buzovna qəsəbəsində fərdi yaşayış evlərinin birində quldurluq törədilib.

Qapının açıq olmasından istifadə edən iki maskalı şəxs həyətə girərək ev sahibinə hücum edib. Onlar həyətdə olan ev sahibinə basqın etməklə ona kəsici alətlə xəsarət yetirərək onun mobil telefonunu zorla alıb hadisə yerindən uzaqlaşıblar.

Hadisə ilə bağlı zərərçəkən polisi məlumatlandırdıqdan sonra təxirə salınmaz əməliyyat tədbirləri ilə hadisəni törətməkdə şübhəli bilinən 1988-ci il təvəllüdlü Ruslan Hüseynli və 1984-cü il təvəllüdlü Cahid Əkbərov saxlanılaraq istintaqa təhvil verilib.

Hər iki şəxs barəsində Xəzər Rayon Polis İdarəsinin istintaq şöbəsində Cinayət Məcəlləsinin quldurluq maddəsi ilə cinayət işi açılıb.

Vətəndaşlardan xahiş olunur ki, həmin şəxslərin əməllərindən zərər çəkən varsa, Xəzər Rayon Polis İdarəsinə məlumat versinlər.