Cəlilabadda ağır qəza: ölən və yaralananlar var
Köhnə Ələt-Astara yolunun 125-ci kilometrliyində, Cəlilabadın Allar kəndi ərazisində ağır yol qəzası baş verib.
Biləsuvar istiqamətindən hərəkət edən “VAZ-2107” markalı minik avtomobili qarşıdan gələn “Mitsubishi” markalı maşınla toqquşub.
Çiskinli hava şəraitində baş verən qəzada “VAZ-2107”də olan sürücü və dörd sərnişin, eləcə də digər avtomobilin sürücüsü müxtəlif dərəcəli xəsarətlər alıblar.
Qəza nəticəsində 36 yaşlı Ülkər Səmədova, 59 yaşlı Zemfira Ağayeva, 37 yaşlı Rəşad Rzayev, 30 yaşlı Şövqi Qasımlı və Mehrac Qəhrəmanov xəsarət alıblar. Digər sərnişin Biləsuvarın Xırmandalı kənd sakini, 32 yaşlı Xosrov Cəfərli isə aldığı xəsarətlərdən hadisə yerində dünyasını dəyişib.
Cəlilabad Rayon Mərkəzi Xəstəxanasından bildirilib ki, yaralılardan biri Reanimasiya şöbəsinə yerləşdirilib, birinin isə əməliyyatı davam edir. Digər 3 xəstənin vəziyyəti orta ağır olaraq qiymətləndirilir.
Baş vermiş qəza ilə bağlı hadisə yerində ilkin araşdırmalar aparılıb. Faktla bağlı Cəlilabad Rayon Prokurorluğunda cinayət işi açılıb.
#Cəlilabad teqi istifadə olunub
- Ağdərə, Xocavənd və Cəbrayılın kəndlərinə növbəti köç karvanları yola salındı - Baku TV
- "İflicdir, orada nə işi var?!" - Çarəsiz ailənin fəryadı | Niyə müavinət ala bilmirlər? - Baku TV
- Cəlilabadda 52 yaşlı kişinin qətlə yetirilməsinin təfərrüatı - Baku TV
- Cəlilabaddakı hadisə ilə bağlı Baş Prokurorluq məlumat yaydı - 24 SAAT
- Cəlilabadda qardaşının övladlarını baltalayan kişinin ölüm səbəbi
