Cəlilabadda cinayətin təfərrüatı məlum oldu

Cəlilabadın Qarazəncir kəndində qətl törədilib. Kənd sakini olan 32 yaşlı Rəşad Aydın oğlu Aslanov çoxsaylı bıçaq zərbələri ilə həmkəndlisi 38 yaşlı Şamo Şamil oğlu Əzimovun həyatına son qoyub.

Cinayətin baş vermə səbəbləri hələ tam məlum olmasa da, ilkin təfərrüatlar aydınlaşıb.

Belə ki, hər iki şəxs qonşu olub və əvvəllər aralarında münaqişə yaşanmayıb. Qətlə yetirilən Şamo kənddə, Rəşad Aslanov isə Rusiyada yaşayırmış və son 3 gündə kəndə qayıdıbmış.

Yaşadıqları kənd ərazisində avtomobildə başlanan münaqişənin sonunda Rəşad Şamoya çoxsaylı bıçaq zərbəsi vurub, sonra isə onu qonşu Qarazəncir kəndinin ərazisində atmaq istəyərkən nəqliyyat vasitəsini digər iki maşına vurub. Daha sonra Cəlilabad Rayon Polis Şöbəsinə gedərək könüllü təslim olub.

Hazırda fakt üzrə istintaq araşdırmaları davam etdirilir.