“Deyir ki, pul ver, sonra...” | Məsciddə pul yığılır? - “Namaza gəlib-gedən adamdır...” - Baku TV

Sosial şəbəkələrdə İmam Hüseyn məscidinə daxil olmaq istəyən vətəndaşlardan ödəniş tələb edildiyi barədə görüntülər yayılıb.

İddialara görə, ərazidə idmanla məşğul olan şəxslər əl-üzlərini yumaq üçün məscidin sanitar qovşağına keçmək istəyərkən onlardan pul tələb olunub. İbadət və ziyarət məkanında belə bir tələbin nə dərəcədə qanuni olması məsələsi isə ictimaiyyətdə ciddi suallar doğurub.

Məsələ ilə bağlı İmam Hüseyn məscidinin imamı Valid Ağayev açıqlama verərək yayılan iddialara aydınlıq gətirib. O, insidentin məscid rəhbərliyi ilə heç bir əlaqəsinin olmadığını vurğulayıb:

“Məscidimizin daxili və idarəetmə işlərinə tamamilə aidiyyəti olmayan iki şəxs arasında mübahisə baş verib. Hadisənin şahidi olan qonşularla və ərazidəki şəxslərlə maraqlanmışam, ilkin araşdırmalarımıza görə, orada heç bir pul tələbi də olmayıb. Hətta fərz etsək ki, belə bir tələb irəli sürülüb, həmin şəxs bizim işçimiz deyil, sadəcə, namaza gəlib-gedən biridir. Eşitdiyimə görə, o, taksi sürücüsüdür”.