Dövlət əleyhinə çağırışlarda təqsirləndirilən şəxslər hakim qarşısında | Məhkəmədə nələr yaşandı?

Dövlət əleyhinə çağırışlarda təqsirləndirilərək saxlanılan Zaur Əsgərov və Gündüz Mirzəyevin cinayət işi üzrə məhkəmənin baxış iclası keçirilib.

Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən iclasda prokuror ittiham nitqi ilə çıxış edərək Zaur Əsgərovun və Gündüz Mirzəyevin hər birinin 7 il azadlıqdan məhrum edilməsini məhkəməyə təklif edib.

Çıxış üçün söz vəkillərə verilsə də, onlar buna hazır olmadıqlarından məhkəmədən vaxt istəyiblər. Növbəti proses iyunun 5-nə təyin edilib.

Qeyd edək ki, Zaur Əsgərov və Gündüz Mirzəyev martın 7-də saxlanılıblar. Onlara Cinayət Məcəlləsinin 281.2-ci (dövlət əleyhinə açıq çağırışlar, təkrar və ya bir qrup şəxs tərəfindən törədildikdə) maddəsi ilə ittiham irəli sürülüb. Cinayət işinin istintaqı Baş Prokurorluğun İstintaq İdarəsində aparılıb.