DTX tərəfindən saxlanılan Məqsəd Bağırov və Kamran Bilalov nədə ittiham olunur? - Baku TV

Sosial şəbəkələrdə keçirdiyi canlı yayımlarla tanınan "Çevik" ləqəbli Məqsəd Bağırov bu dəfə gündəmə saxlanılması ilə gəlib.

Məlumata görə, Dövlət Təhlükəsizliyi Xidməti tərəfindən saxlanılan Məqsəd Bağırov və Kamran Bilalov barəsində məhkəmə tərəfindən həbs qətimkan tədbiri seçilib. Onlara Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə ittiham elan edilib.

Bəs bu maddə ilə saxlanılan şəxsləri hansı cəza gözləyir?

Hüquqşünas Zaur Quliyevin sözlərinə görə, həmin maddənin tətbiqinə əsasən, bu kimi əməlləri törədənləri 8 min manatdan 12 min manatadək cərimə, 2 ilədək islah işləri və ya 2 ildən 4 ilədək azadlıqdan məhrumetmə cəzası gözləyir:

"Əməl radikal motivlərlə və ya zorakılıqla törədildikdə isə 3 ildən 5 ilədək azadlıqdan məhrumetmə cəzası tətbiq oluna bilər".