Edqard Sarkisyan bu dəfə hakim qarşısına bu səbəbə görə çıxdı

Cinayət Məcəlləsinin 234.4.3-cü (Külli miqdarda narkotik vasitələri saxlama) maddəsi ilə ittiham olunan erməniəsilli paytaxt sakini Sarkisyan Edqard Eduardoviçin cinayət işinin məhkəmə hazırlıq iclası başlayacaq.

Proses aprelin 17-də Sumqayıt Ağır Cinayətlər Məhkəməsinin hakimi Hafiz Əliyevin sədrliyi ilə keçiriləcək.

Xatırladaq ki, son illər Azərbaycanda cinayət törətmiş erməniəsilli vətəndaşların ümumi statistikasına nəzər saldıqda Edqard Sarkisyanın əvvəllər də Cinayət Məcəlləsinin bir neçə maddəsi ilə həbsdə olduğu məlum olub. O, 2008-ci il aprelin 24-də anası Elmira Qurbanovanın şikayəti əsasında saxlanılaraq, ögey qardaşını döyməkdə və azyaşlı ögey bacısına təcavüz etməkdə ittiham olunaraq həbs olunub. 1985-ci il təvəllüdlü Edqard Sarkisyan Elmira Qurbanovanın erməni həyat yoldaşından olan oğludur.