Ər arvadını amansızlıqla qətlə yetirib

Kürdəmirdə ailə faciəsi yaşanıb. Ər 14 illik həyat yoldaşını qətlə yetirib.

Hadisə rayonun Şıxımlı kəndində qeydə alınıb. Kənd sakini 35 yaşlı Qurbanov Pərviz Hikmət oğlu 28 yaşlı Qurbanova Könül Vaqif qızına bir neçə bıçaq xəsarəti yetirib. Ağır bədən xəsarətləri alan 3 uşaq anası elə hadisə yerindəcə dünyasını dəyişib.

Mərhumun meyiti müayinə olunması üçün Səhiyyə Nazirliyinin Məhkəmə Tibbi-Ekspertiza və Pataloji Anatomiya Birliyinin Kürdəmir rayon şöbəsinə yerləşdirilib.

Qeyd edək ki, cütlüyün bu evlilikdən 2 qız, bir oğlan olmaqla, 3 övladı var. Hazırda faktla bağlı Kürdəmir rayon prokurorluğunda araşdırma aparılır.