Eşidənlər şoka düşdü | Bir ailənin 5 üzvünün öldüyü evdə bu dəfə elə şey oldu ki... - Baku TV

Bir ailənin beş üzvünün öldüyü evdə bu dəfə yanğın baş verib. Ağstafa rayonun Qırılı kəndində Sahil İsmayılova məxsus evin yanması sakinləri təşvişə salıb.

“Yanğın olanda hamı bir-birinin üzünə baxırdı. İndi kim edib, nə səbəbdəndir – hamısı müəmmalıdır. Hamı təşvişdədir ki, niyə bu ailədə baş verir?”, – deyə qonşu Şahir Tanrıquliyev bildirib.

Digər qonşu Elman Məmmədov isə hadisənin səbəbləri ilə bağlı müxtəlif ehtimalların səsləndirildiyini qeyd edib: “Biz də təəccüb içindəyik. Deyirlər, elektrikdən qapanma olub. Yaxşı ki, gecə olmayıb. Sahil burada tək qalır, gecə olsaydı, faciə baş verə bilərdi”.

Yanğın baş verən zaman ev sahibinin işdə olduğu bildirilir.

Xatırladaq ki, altı nəfərlik İsmayılovlar ailəsinin beş üzvü bir il ərzində ayrı-ayrı ayların 8-i tarixində dünyasını dəyişib. 2024-cü ilin 8 avqustunda 2 yaşlı Gülxar İsmayılzadənın ölümü ilə başlayan ailə faciəsi 2024-cü ilin 8 sentyabrında nənə və babanın ölümü, daha sonra 2025-ci ilin 8 iyununda evin sonuncu körpəsi, Nilay İsmayılzadənin ölümü, bir ay sonra isə iyulun 8-də evin gəlini Şəfayət İsmayılovanın ölümü bütün kənd sakinlərini şoka salıb. Evə hüquq-mühafizə orqanlarının əməkdaşları baxış keçirib. Hadisənin baş vermə səbəbləri araşdırılır.