Əyləncə mərkəzlərindəki təhlükəsizlik qaydaları necə tənzimlənməlidir? | Ekspertdən açıqlama

Bakıda yerləşən “Phobia Games” əyləncə mərkəzində 15 yaşlı qız oyun zamanı xəsarət alıb.

Valideynin sözlərinə görə, Nigar Mustafayevanın üzü zədələnib və onun burnuna 10 tikiş qoyulub.

Hadisə qızın oyundan çıxmaq üçün qaçarkən taxta qutuya çırpılması nəticəsində baş verib.

Valideyn iddia edir ki, aktyor onu itələyib və bu səbəbdən qız özünü itirərək xəsarət alıb. Onun sözlərinə görə, hadisə baş verən zaman mərkəzdə yeniyetməyə tibbi yardım göstərilməyib.

Zərərçəkən qız isə hadisəni belə təsvir edib:

“Aktyor gəldi, ilk olaraq rəfiqəmi 2 metrlik məsafədən itələyə-itələyə arxaya çırpdı. Rəfiqəm kameraya əl sallayıb məqsədlərinin nə olduğunu soruşdu. Bunu deyəndə aktyor daha da qəzəbləndi və onu ikinci dəfə arxaya sıxdı. Qız qaçanda onun çiynindən tutub qabağa itələdi. Məni də belimdən itələyəndə şkafa dəyib huşumu itirdim. Məni xəstəxanaya apardılar, iki yerimə tikiş qoyuldu, birinə 3, digərinə 7 tikiş. Gözümün altı və dodağım partlayıb, ayaqlarımda göyərmələr var”.