Pleyeri seçin:
FHN əməkdaşı və müəllim qəzada öldü
Xəbərlərimizi Google-da izləyin
Yeniliklərdən dərhal xəbərdar olun
Lənkəranda ağır yol qəzası baş verib.
Qəza Lənkəran-Lerik yolunda, Əşlə kəndi ərazisində qeydə alınıb. Lənkəran rayonunun Sirəbil kənd sakini İlqar Bayramov idarə etdiyi "Niva" markalı avtomobillə rayonun Əşlə kəndi ərazisində hərəkətdə olarkən, körpü üzərində idarəetməni itirib və nəqliyyat vasitəsi çaya aşıb.
Qəza nəticəsində sürücü və avtomobildə olan sərnişin Sirəbil kənd sakini Şəmsi Mirzəyev aldıqları xəsarətlər nəticəsində dünyasını dəyişib. Onların meyitləri müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə aparılıb. İlkin versiyaya görə, qəzaya yolun qarlı olması səbəb olub.
Qeyd edək ki, sürücü İlqar Bayramov kənddə müəllim, Şəmsi Mirzəyev isə FHN-in Lənkəran Yanğından Mühafizə Hissəsində işləyirdi. Faktla bağlı araşdırma aparılır.
Kopyalandı
#FHN teqi istifadə olunub
Seçilmişlər
