“Gəlib eşitdim ki...” | Qonşu Beşdəlidəki qanlı ailə münaqişəsi barədə nələri danışdı?

Sabirabadda bıçaqlanma hadisəsi baş verib. Hadisə rayonunun Beşdəli kəndində qeydə alınıb.

Kənd sakini, 1957-ci il təvəllüdlü Rəvan Hüseynov həyat yoldaşı, 1964-cü il təvəllüdlü Aidə Hüseynova və gəlini, 1983-cü il təvəllüdlü Lətafət Hüseynovanı bıçaqlayıb.

“İşdən gəlib eşitdim ki, bu hadisə baş verib. Kişinin psixoloji problemi yox idi. Birinci həyat yoldaşını bıçaqlayıb. Sonra, yəqin ki, qayınatasına mane olmaq üçün araya girdiyi üçün gəlin də bıçaqlanıb”, – deyə qonşu Məzahir Məcidov hadisə barədə danışarkən deyib.

Yaralılar bıçaq xəsarətləri ilə Şirvan Şəhər Mərkəzi Xəstəxanasına yerləşdiriliblər.

TƏBİB-dən bildirilib ki, 26 iyun saat 04:50 radələrində kəsilmiş-deşilmiş xəsarətlərlə iki nəfər Sabirabad rayon sakinləri Şirvan Şəhər Mərkəzi Xəstəxanasına hospitalizasiya olunub.

61 yaşlı qadına döş qəfəsinin açıq yarası diaqnozu təyin edilib və əməliyyata alınıb, 42 yaşlı qadına isə sol qolun kəsilmiş yarası diaqnozu təyin edilib. Ona zəruri tibbi xidmət göstərilib, ambulator müalicə üçün evə buraxılıb.

Faktla bağlı araşdırma aparılır.